Posted on 10 Sep, 2018

FYRSTI DANSTÍMINN

Við byrjum námskeið á haustönn 2018 í dag, 10. september.

Sumir nemendur hafa æft áður, jafnvel í mörg ár, aðrir eru að byrja aftur eftir pásu, og svo eru einhverjir nemendur sem eru að fara í fyrsta danstímann sinn.

Hér að neðan eru svör við nokkrum algengum spurningum:

 

 

 

 

Hvert mæti ég?

Kennslustaðir okkar eru:

  • Í Ellingsen húsinu á Granda í Vesturbæ (á 2. hæð í sal Sjúkraþjálfunar Reykjavíkur).
  • Í Sporthúsinu í Kópavogi.
  • Í Ásgarði í Garðabæ (speglasalur á 2. hæð).
  • Í íþróttahúsinu við Strandgötu í Hafnarfirði.
  • Í Ingunnarskóla í Grafarholti.

 

Hvenær á ég að mæta?

Stundatöfluna okkar finnur þú með því að smella hér.

Nemendur þurfa að mæta stundvíslega skv. stundaskrá.

 

Í hverju á ég að vera?

Nemendur eiga að mæta í þægilegum fötum sem þeim finnst gott að hreyfa sig í og með teygju í hárinu, ef það er sítt. Við dönsum ýmist í skóm, á sokkunum, eða tánum, eftir því sem hentar hverju sinni. Yngri nemendur dansa yfirleitt á tánum, sokkunum, eða tátiljum.

Það er gott að mæta tilbúinn í dansfötunum á æfingar, þar sem skiptiaðstaðan er misgóð eftir kennslustöðum.

Í tæknitíma er ekki æskilegt að mæta í of víðum fötum, svo kennarar geti fylgst með líkamsbeitingu.

Einnig mælum við með að koma með fullan vatnsbrúsa á æfingar.

 

Hvar skrái ég mig?

Skráning fer fram með því að smella hér.

 

Reglur

Reglur Dansskóla Birnu Björns má sjá hér að neðan. Farið verður yfir reglurnar í fyrstu tímunum.

1.     Nemendur mæta í dansfatnaði í danstíma.

2.     Nemendur mæta með hárið í teygju í danstíma.

3.     Nemendur mæta með vatnsbrúsa í danstíma.

4.     Nemendur mæta tímanlega og eru tilbúnir þegar tíminn byrjar.

5.     Ekki er leyfilegt vera með tyggjó í tíma.

6.     Í danstíma er mætingarskylda, láta kennara vita um forföll, veikindi, leyfi og annað.

7.     Nemendur hafa hljóð þegar kennarinn talar.

8.     Nemendum er frjálst að rétta upp hönd og spyrja spurninga.

9.     Nemendur eru duglegir, jákvæðir, vinnusamir og leggja sig fram í danstímum.

10.   Nemendur taka nýjungum opnum huga.

11.    Nemendur leggja sig fram við að hrósa öðrum nemendum.

12.   Ráp er ekki leyfilegt, og ef nemendur þurfa að yfirgefa danssalinn meðan á æfingu stendur þurfa þeir leyfi frá kennara til þess.